2025 жылдың 29 сәуір күні Степняк қаласында Біржан сал атындағы аудандық мәдениет үйінде «Дарынды балалар – ел болашағы» ғылым мен білім, өнер мен спортта жүзден жүйрік атанған ауданымыздың дарынды оқушылары мен жұмысшы мамандығына арналған форум өткізілді,

Макинка ауылының ЖОББ мектебінен оқушылар қатысып, 8а сынып оқушысы Кенесбаева Амира мен 9б сынып оқушысы Максимов Андрей аудан әкімі Алғыс хатымен марапатталды. Көркем еңбек мұғалімдері: Усанина Г.В., Дзирук В.И., «Қол өнер – сырлы өнер» атты көрме ұйымдастырып оқушылардың сабақта жасалған бұйымдарын көрсетті. Көркем еңбек пәнінің мұғалімі Дзирук В.И. өз қолымен жасаған қазақи музыкалық «Ортеке» аспап  бұйымын назарға ұсынды. 9а сынып оқушысы Нұғман Эльмира «Келіншек» күйін орындап аспаптың мүмкіндігін көрсетті. Көрермен қауым ұйымдастырылған іс шараға тәнті болып ерекше әсер алды.