«Макин орта мектебі» ММ «Мейрімді жүрек» еріктілер клубының 2019-2020 оқу жылында атқарылған жұмыстары туралы есеп

-Табысты елдің  қатарында болудың алғышарты – ерікті  болу.

Бүгін  Қазақстанда жастардың  арасында  волонтерлік   қозғалыс өте  белсенді  дамып келеді.

Мектебімізде 2018 жылдың қараша  айында  құрылған Еріктілер клубының басты идеясы – азаматтардың мұқтаж санаттарына көмек көрсету, қолдау, сол арқылы  жастардың ортасын ізгілендіру, жан-жақты әлеуметтік-психологиялық белсенді жастар мен қоғамды біріктіру.

Клубқа 14-17 жас аралығындағы жасөспірімдер мүшелік етеді. Аталмыш  клубтың  көшбасшысы 11 «Б» сынып оқушысы Ұланбасы ДЮОО « Жас Ұлан»  Қасымов Абылай. Клубтың ұраны « Біз біргеміз, біз мықтымыз, жеңілмейміз».
Жоспарда салауатты өмір  салты, құқық  бұзушылықтың, нашақорлықтың  алдын алу, бос уақытты тиімді жоспарлау, қоғамға пайдалы іс жасау қарастырылған. Сонымен  қатар қарттарға,ардагерлерге, көпбалалы отбасыларға, өмір сүру жағдайы төмен отбасыларына көмек көрсету т.б. жұмыстар ұйымдастырылады.

Жыл бойы көптеген жұмыстар атқарылды.  Негізгі жетістіктерімізді атап өтейік: 2019 ж Жасөспірімдер мен балалар арасында  нашақорлықты алдын алу «Есерткіге жоқ!» атты Ақмола облысы бойынша бейнеролик баақауында біздің еріктілер тобы  1-орынға, 2020 ж 2-орынға ие болды. Жыл сайын клуб мүшелері Халықаралық табиғатты  қорғау шеруіне белсене қатысады. «Мен ерікті болған күн» атты  облыстық эссе байкауында  Тастенбекова Сабина 1-орынды иемденді, ал Ташимова Жасмин «Ой қозғаушы» номинациясына ие болды. Биылғы жылы 11-сынып оқушылары Тастенбекова Сабина мен Ташимова Жасмин «Елбасы медалі» республикалық жобасына қатысып, желтоқсанның 14-күні қола медаліне ие болғалы жатыр.  Сондай-ақ бұл жобаға 10-сынып оқушысы Қасымова Аяжан қатысып, күміс медальге үміткер атанды. Жасанова Раббия «Әлемдік пандемия – коронавирус» тақырыбында бейнеролик жасап, 3-орын жеңімпазы атанды.  Ұлы Жеңістің 75 жылдығына орай жасалған ауыл ескертішін жөндеу жұмыстарына біздің еріктілер атсалысып, белсенділік танытты. 6-сынып оқушысы Сәкен Әділ республикалық«Ең үздік экологиялық бейнебаян» бағыты бойынша Экостанға саяхат бейнероликтер байқауына, Ұлы Жеңістің 75 жылдығына орай ұйымдастырылған «Желбіре, Жеңіс туы» облыстық байқауға қатысып, мадақтамалармен марапатталды. 

Біз үшін марапаттар мен атақтар  маңызды емес, бастысы – адамдарға қуаныш сыйлап,  мейірімділік жасау.