Ашық сабақ

Қазақстан халқы тілдер күні мерекесіне орай 2020 жылдың 5-15 қыркүйек аралығында «Макин орта мектебі» ММ-де арнайы апталық өткізілді. Осыған орай, ағылшын тілі пәнінің ІІ санатты мұғалімі, Салық Мендыгуль Маратқызы 3 «А» қазақ сыныбымен «We speak English» тақырыбында ашық сабақ өткізді. Мендыгуль Маратқызы ашық сабақ барысында жаңа педагогикалық технологияларды қолдана отырып сабақ өткізді. Оқушылардың қызығушылығын арттыратын көптеген ойын технологиясы мен дамыта оқыту технологияларын да жоғары деңгейде қолдана білді. Сабақ барысында әр оқушының сабаққа деген ынтасы мен қызығушылығын арттыратын көрнекіліктер, слайд-презентация және видеороликтер қолданылды. Әр бала сабаққа белсенді қатысты. Берілген тапсырмаларды шапшаң орындап отырды. Сабақ жоғары дәрежеде өтті, сабақ сонында оқушылардың білімін бағалау ретінде сертификаттар берілді.