"Терроризмнен сақтану - басты міндет"

Ағылшын тілі пәнінің оқытушысы Салық Мендыгуль Маратқызы "Терроризмнен сақтану - басты міндет" деген тақырыпта 8 -11 сыныптарда тәрбие сағатын өткізді. Тәрбие сағатының мақсаты - оқушыларға терроризм туралы терең түсінік беру, оның түрлері, себептері мен зардаптарын ұғындыру, жасөспірімдерге қоғамның әлеуметтік, құқықтық  сипаттарын ұғындыра отырып, террорлық, лаңкестік  бағытта арандатуға жол бермеу.Тәрбие сағатының барысында "Терроризм" сөзінің мән-мағынасын аша отырып, 3 қаңтардағы Жаңаөзен қаласындағы ереуілшілерден бастау алған төтенше жағдай бойынша сөз қозғалды. Қазақстанда орын алған террорлық іс-әрекеттер туралы бейнефильм көрсетілді, аудиожазба тыңдатылды. Осы мәлімет төңірегінде оқушылар арасында пікірталас ұйымдастырылды. Сонымен қатар топпен жұмыс барысында көрнекіліктерді қолдана отырып, әр оқушы өз ойын ашық, әрі түсінікті етіп жетізе білді. "Автор орындағы" әдісін қолдану арқылы «Біздің алдағы болашығымыз» деген тақырыпта хат жазып, оқыды. Тәрбие сағатының барысында 1 минуттық үнсіздік жарияланып, қаралы күндерде "Елім" деп, "Жерім" деп жаның пида еткен ҚР азаматтарын еске алды. Тәрбие сағатының соңында Мендыгуль Мараткызы ҚР Үкіметінің жаңа құрамымен таныстып өтті.