Біздің мектепте Біржан сал ауданы Макинка (Прогресс) ауылының тумасы, ақын, сазгер, әнші Тыныштық Дәндекұлы Шаменовтың өмірі мен шығармашылығына орай «Есіңе мені алғайсың!» тақырыбындағы аудандық таныстырылымдық кездесу өтті.

Оған Тыныштық Дәндекұлының  жұбайы Жұмағұлова Сабира Жаныбайқызы, ұлдары Манарбек, Абылай, қызы Марал, бауыры, Айсары елінің тумасы Сәбижан Ақан Тәттібайұлы, шәкірті,  Үкілі Ыбырай атындағы Ақмола филармониясының әншісі Сәрсенбай Хасенов, немересі,  Абай атындағы облыстық дарынды балаларға арналған мектеп-интернатының 10 сынып оқушысы Шаменова Фариза, Щучинск қаласы №5 орта мектептің 4-сынып оқушысы Жанат Досжан, Тыныштық Шаменовтың өмірі мен шығармашылығы бойынша ғылыми жоба дайындаушы, жетекшісі, жиені бастауыш сынып мұғалімі Толқын Құрманқызы,  аудандық білім бөлімінің әдіскері Искакова Гүляим Абжановна, Макинка ауылдық мешітінің бас имамы Бұланбай Марат және аудан мектептерінің қазақ тілі мен әдебиеті мұғалімдері  қатысты. Аталмыш іс-шарада мектеп оқушылары ақынның өлеңдерін оқып, әндерін айтты. Мектеп директоры Рахимжанов Т.С. ақын-сазгердің «Туған елім Мәтенім», қызы Марал Тыныштыққызы мен шәкірті Сәрсенбай Хасенов «Есіңе мені алғайсың», «Аққұдық», «Бір сен едің» әндерін нақышына келтіріп орындады. Немересі Фариза Сағынайқызы атасының өлеңдерін мәнерлеп оқыды. Қазақ тілі мұғалімдері сұрақтар қойып, тілектерін айтты. Туыстары мен балалары мектебімізге өз ризашылығын білдіріп, алғыс айтты.